گوٹیریس کا سلامتی کونسل سے غزہ میں انسانی تباہی روکنے کا مطالبہ

اقوام متحدہ کے سکریٹری جنرل انٹونیو گوٹیریس نے بدھ کے روز سلامتی کونسل سے مطالبہ کیا کہ وہ غزہ میں انسانی تباہی کو روکنے کے لئے کارروائی کرے۔مسٹر گٹیرس کے ترجمان اسٹیفن دوجارک نے یہ معلومات دی ۔

مسٹر گوٹیریس نے 2017 میں اقوام متحدہ کے سکریٹری جنرل بننے کے بعد پہلی بار اقوام متحدہ کے چارٹر کے آرٹیکل 99 کو نافذ کرتے ہوئے کارروائی کرنے کے لئے سلامتی کونسل کے صدر کو خط لکھا۔ آرٹیکل 99 میں کہا گیا ہے، “سیکرٹری جنرل سلامتی کونسل کی توجہ کسی بھی ایسے معاملے پر دلا سکتے ہیں جو ان کی رائے میں بین الاقوامی امن اور سلامتی کو خطرے میں ڈال سکتا ہے۔”

مسٹر دوجارک نے کہا کہ اتنے کم وقت میں غزہ اور اسرائیل میں انسانی جانوں کے نقصان کے پیمانے کو دیکھتے ہوئے، مسٹر گوٹیریس نے اقوام متحدہ کے چارٹر کے آرٹیکل 99 کو نافذ کرتے ہوئے سلامتی کونسل کے صدر کو ایک خط دیا ہے۔ اقوام متحدہ کے سیکرٹریٹ کی طرف سے فراہم کردہ ایک خط میں، مسٹر گوٹیرس نے انسانی بنیادوں پر جنگ بندی کا اعلان کرنے کی اپیل کی۔