[]
حیدرآباد: گریٹر حیدرآباد میونسپل کارپوریشن (جی ایچ ایم سی) نے اس وقت مداخلت کی جب ایک گاہک نے شہر کے آر ٹی سی کراس روڈس پر واقع ایک مشہور ریسٹورنٹ سے آن لائن آرڈر کی گئی چکن بریانی میں چھپکلی ملنے کی اطلاع دی تھی۔
ڈی ڈی کالونی، عنبرپیٹ کے وشوا آدتیہ نامی شخص کی طرف سے درج کرائی گئی شکایت کے بعد جس نے زوماٹو کے ذریعہ چکن بریانی کا آرڈر دیا تھا، جی ایچ ایم سی کے عہدیداروں نے پیر کے روز ریسٹورنٹ کا معائنہ کیا۔ مزید کارروائی کیلئے نمونے جمع کیے گئے، جیسا کہ ٹویٹر پر جی ایچ ایم سی کے اسسٹنٹ فوڈ کنٹرولر نے تصدیق کی۔
وشوا آدتیہ کے افراد خاندان نے الزام لگایا کہ زوماٹو کے ڈیلیوری بوائے کی جانب سے دی گئی چکن بریانی میں چھپکلی تھی۔ واقعہ کے حوالے سے ضروری کارروائی کیلئے رپورٹ پیش کر دی گئی ہے۔
