[]
تل ابیب: ایران کے پاسداران انقلاب نے ہائپر سونک میزائل فتاح IIکی نقاب کشائی۔ ایرانی ذرائع ابلاغ کے مطابق ایران کے رہبر اعلیٰ آیت اللہ خامنہ ای نے عاشورہ ایرواسپیس سائنس اینڈ ٹیکنالوجی یونیورسٹی میں فتح II کی نقاب کشائی کی۔ جون 2023ء میں ایران نے فتاحIمیزائل کا کامیاب تجربہ کیا تھا۔
تجدید شدہ ورژن میں ہائپر سونک گاڑی (ایچ جی وی) موجود ہے جو ہتھیار کو اعظیم ترین رفتار سے پہنچانے میں مددکرتی ہے۔ اطلاعات کے مطابق فتاح II، 6170-24700 کلومیٹر فی گھنٹہ کی رفتار سے ہدف پر پہنچ سکتا ہے۔ ایرانی میڈیا نے یہ اطلاع بھی دی کہ فتاح II‘ اسرائیل اور امریکہ کے عصری بیلسٹک شکن میزائلوں سے زیادہ عصری ہے۔
غزہ میں حماس کے ساتھ اسرائیل کی جنگ کے درمیان ایرانی میزائل کی نقاب کشائی اہمیت کی حامل ہے کیو ں کہ ایران اور اسرائیل کے درمیان لفظی جنگ جاری ہے۔
اسرائیل کا ہمیشہ سے موقف رہا ہے کہ ایران حماس اور حزب اللہ دونوں کی حمایت کرتا ہے او راطلاعات کے مطابق حال ہی میں حماس کے فوجی کمانڈر یحییٰ سنور کی جانب سے حماس کے جنگجوؤں کو حزب اللہ کے ملٹری کمانڈس میں مسلح تربیت دی گئی۔
