تحقیقات کے مطابق ریلائنس کمرشل فنانس لمیٹڈ سے متعلق معاملے میں 13 سرکاری بینکوں کو 4097 کروڑ روپے کا نقصان پہنچا، جبکہ ریلائنس ہوم فنانس لمیٹڈ کے معاملے میں 10 سرکاری بینکوں کو 3526 کروڑ روپے کا نقصان ہوا۔
مرکزی تفتیشی بیورو کا کہنا ہے کہ اپریل 2017 سے دسمبر 2018 تک ریلائنس کمرشل فنانس لمیٹڈ کے چیف ایگزیکٹو افسر رہنے والے دیوانگ مودی کمپنی کے اہم فیصلوں کے ذمہ دار تھے۔ انہوں نے ایسی درمیانی کمپنیوں کو قرضوں کی منظوری دی جن کے بارے میں انہیں معلوم تھا کہ یہ عمل ریزرو بینک کے ضوابط اور سرکاری بینکوں سے حاصل شدہ قرضوں کی شرائط کے منافی ہے۔
