نئی دہلی: کانگریس کے جنرل سکریٹری جے رام رمیش نے پیر کو بندرگاہ، جہاز رانی اور آبی گزرگاہوں کے مرکزی وزیر سربانند سونووال کو خط لکھ کر گریٹ نکوبار جزیرے کے گالاتھیا کھاڑی علاقے میں مجوزہ بین الاقوامی مال برداری تبادلہ بندرگاہ منصوبے سے متعلق کئی سوالات اٹھاتے ہوئے تفصیلات اور وضاحت طلب کی ہے۔
جے رام رمیش گزشتہ کچھ عرصے سے اس منصوبے کے ممکنہ ماحولیاتی اثرات پر تشویش ظاہر کرتے رہے ہیں اور اس سلسلے میں مرکزی وزیر ماحولیات بھوپیندر یادو کو بھی متعدد خطوط لکھ چکے ہیں۔
