پاکستان کا افغانستان پر فضائی حملہ، 11 معصوم بچوں سمیت 13 جاں بحق

افغانستان کے سابق صدر حامد کرزئی نے افغانستانی فضائی حدود کی پاکستان کی جانب سے خلاف ورزی اور صوبہ کنڑ، خوست اور پکتیکا میں بچوں اور خواتین کی ہلاکت کی شدید ترین الفاظ میں مذمت کی ہے۔ سابق صدر نے شہداء کے اہل خانہ کے ساتھ گہرے دکھ اور یکجہتی کا اظہار کرتے ہوئے ایک بار پھر کہا کہ پاکستان اپنی غیر دانشمندانہ پالیسیوں اور خطے میں دشمنانہ اقدامات کے نتائج بھگت رہا ہے، اور اسے یہ سمجھ لینا چاہیے کہ وہ ان پالیسیوں پر قائم رہ کر اور ان پر عمل کر کے اپنے مقاصد حاصل نہیں کر سکے گا۔ ساتھ ہی انہوں نے کہا کہ پاکستان کے بہترین مفاد میں یہی ہے کہ وہ افغانستان کے خلاف جنگ اور تباہی کی پالیسی ترک کرے اور اس کے بجائے اچھے ہمسایہ تعلقات اور مہذب باہمی روابط کو اختیار کرے۔