نئی دہلی: دہلی کی راؤز ایونیو عدالت نے آئی آر سی ٹی سی گھوٹالے سے متعلق مبینہ منی لانڈرنگ معاملے میں راشٹریہ جنتا دل کے سربراہ لالو پرساد یادو، ان کے اہل خانہ اور دیگر ملزمان کے خلاف فردِ جرم عائد کرنے سے متعلق فیصلہ 16 جولائی تک ملتوی کر دیا ہے۔ اس معاملے کی جانچ انفورسمنٹ ڈائریکٹوریٹ کر رہا ہے۔
عدالت کو منگل کے روز لالو پرساد یادو، تیجسوی یادو، رابڑی دیوی سمیت 16 افراد کے خلاف فردِ جرم طے کرنے کے سوال پر فیصلہ سنانا تھا، تاہم عدالت نے اس معاملے پر اپنا حکم محفوظ رکھتے ہوئے فیصلہ آئندہ سماعت تک مؤخر کر دیا۔
