نیٹ پیپر لیک معاملہ میں اب تک 5 گرفتار، راجستھان پولیس کے مطابق 1000 ہزار طلبہ تک پہنچا تھا ’لیک پیپر‘

قابل ذکر ہے کہ پولیس نے دھاندلی کے الزام میں مہاراشٹر کے ناسک سے ڈاکٹر شبھم کھیرنار کو گرفتار کیا ہے۔ اب ستیہ سائی یونیورسٹی سے بھی کنکشن جوڑا جا رہا ہے۔ ملزم شبھم سیہور واقع شری ستیہ سائی یونیورسٹی (ایس ایس ایس یو ٹی ایم ایس) میں آیورویدک میڈیسن (بی اے ایم ایس) کا طالب علم ہے۔ بہار میں نیٹ امتحان میں سالور گینگ سرگرم تھا۔ 60 لاکھ روپے میں ایک سیٹ کی ڈیل ہوئی تھی۔ امتحان سے عین قبل پولیس نے اس پورے معاملہ کا انکشاف کیا تھا۔ اس کا ماسٹر مائنڈ ایک ایم بی بی ایس طالب علم تھا۔ نالندہ پولیس نے 7 لوگوں کو گرفتار کیا تھا۔