برتن دھونے سے رکن اسمبلی بننے تک کا سفر۔ بنگال کی کلیتا ماجی کون ہیں؟

نئی دہلی: مغربی بنگال کے انتخابی نتائج سامنے آنے کے بعد یہ واضح ہو گیا ہے کہ ریاست میں پہلی بار بی جے پی کی حکومت بننے جا رہی ہے۔ پیر کو آئے نتائج میں بھارتیہ جنتا پارٹی نے 294 میں سے 206 نشستوں پر کامیابی حاصل

کی۔ جبکہ ترنمول کانگریس صرف 80 نشستوں تک محدود رہ گئی۔ مغربی بنگال اسمبلی انتخابات میں ایک شخصیت کی جیت ہر طرف موضوعِ بحث بنی ہوئی ہے۔ ہم بات کر رہے ہیں گھروں میں برتن دھونے کا کام کرنے والی گھریلو ملازمہ کلیتا

ماجی کی جنہوں نے اوشگرام اسمبلی حلقے سے شاندار فتح حاصل کی ہے۔آپ کو بتا دیں کہ کلیتا ماجی کو بی جے پی نے اوشگرام اسمبلی حلقے سے ٹکٹ دیا تھا اور عوام نے بھی ان پر اعتماد ظاہر کیا۔ اوشگرام اسمبلی حلقہ بولپور

لوک سبھا حلقے کا حصہ ہے۔ ان کی یہ جیت ایسے وقت میں آئی ہے جب بھارتیہ جنتا پارٹی نے ریاست میں بھاری اکثریت کے ساتھ اقتدار حاصل کیا ہے۔کلیتا ماجی کو 1,07,692 ووٹ ملے اور انہوں نے ٹی ایم سی کے شیاما پرسنّا لوہار

کو 12,535 ووٹوں کے فرق سے شکست دی۔ ماجی نے گھر گھر جا کر انتخابی مہم چلائی اور ان کی محنت رنگ لائی۔
کلیتا ماجی گسکارا میونسپلٹی کی رہائشی ہیں اور سیاست میں آنے سے پہلے وہ 3–4 گھروں میں برتن دھونے کا کام

کرتی تھیں۔ زمینی سطح سے جڑاؤ کے باعث ان کی امیدواری کافی زیرِ بحث رہی۔ وہ ہر ماہ تقریباً 3–4 ہزار روپے کماتی تھیں اور اسی سے اپنے خاندان کی کفالت کرتی تھیں۔گسکارا میونسپلٹی کے وارڈ نمبر 3 کے مَجھپکُر پار کی رہنے والی

کلیتا اپنے شوہر سبروتا ماجی کے ساتھ رہتی ہیں۔ ان کے شوہر اور بیٹا ان پر فخر کرتے ہیں۔ ماجی کا کہنا ہے کہ تعلیمی نظام بدعنوانی سے متاثر ہے اور سرکاری اسکولوں کی حالت خراب ہے۔ وہ کہتی ہیں کہ وہ اسکولوں پر بھی توجہ دیں

گی کیونکہ وہ آنے والی نسلوں کی بنیاد ہیں، اور کسانوں کے مسائل پر بھی غور کریں گی۔یہ بھی قابلِ ذکر ہے کہ کلیتا ماجی اس سے پہلے 2021 کے اسمبلی انتخابات میں بھی حصہ لے چکی ہیں لیکن اس وقت وہ ترنمول کانگریس کے

ابھیدنندا تھنڈر سے 11,815 ووٹوں سے ہار گئی تھیں۔ بی جے پی نے 2026 کے انتخابات میں انہیں دوبارہ ٹکٹ دیا جو ان کے مقامی اثر و رسوخ پر پارٹی کے اعتماد کو ظاہر کرتا ہےاور اس بار یہ اعتماد کامیابی میں بدل گیا۔کلیتا ماجی نے

انتخابی مہم پر توجہ دینے اور حلقے کے لوگوں تک پہنچنے کے لیے اپنے کام سے ایک ماہ کی چھٹی لی تھی۔ مہم کے دوران انڈین ایکسپریس سے فون پر بات کرتے ہوئے انہوں نے کہا“میں نے کبھی سوچا بھی نہیں تھا کہ مجھے یہ موقع

دوبارہ ملے گا۔ پارٹی نے مجھ پر اعتماد کیا ہے اور یہ ایک بہت بڑی ذمہ داری ہے۔”مغربی بنگال میں پہلی بار بھارتیہ جنتا پارٹی تاریخی جیت کی طرف بڑھ رہی ہے۔ حکمراں ترنمول کانگریس کو ہٹانے کی طرف بڑھ رہی بی جے پی اور اس کے

اتحادیوں کے اتحاد این ڈی اے کی اب 22 ریاستی اسمبلیوں میں حکومت ہو چکی ہے۔ 2025 کے آخر تک 21 ریاستوں میں بی جے پی یا این ڈی اے کی حکومت تھی۔