خواتین ریزرویشن پر مودی حکومت کو چیلنج، مہیلا کانگریس کا 10 لاکھ پوسٹ کارڈ بھیجنے کا اعلان

دیگر پسماندہ طبقات کے شعبہ کے چیئرمین ڈاکٹر انل جے ہند نے کہا کہ او بی سی اور انتہائی پسماندہ طبقات کی خواتین کی حالت نہایت تشویشناک ہے۔ انہوں نے مطالبہ کیا کہ حکومت ان طبقات کی خواتین کے تحفظ کے لیے سخت قانون سازی کرے، جیسا کہ ایس سی-ایس ٹی ایکٹ کے تحت کیا گیا ہے، تاکہ انہیں انصاف اور تحفظ فراہم کیا جا سکے۔ انہوں نے کہا کہ اتر پردیش میں او بی سی خواتین کے ساتھ ناانصافی کے معاملات بڑھ رہے ہیں اور حکومت کو فوری توجہ دینی چاہیے۔