نئی دہلی: سبریمالا معاملہ ایک بار پھر قومی بحث کے مرکز میں آ گیا ہے، جہاں سپریم کورٹ آج سے اس طویل عرصے سے زیر التوا معاملہ پر سماعت شروع کر رہی ہے۔ اس مقصد کے لیے عدالت عظمیٰ نے نو ججوں پر مشتمل ایک خصوصی آئینی بنچ کو تشکیل دیا ہے، جو اس حساس اور اہم مقدمہ کا ازسر نو جائزہ لے گی۔
سپریم کورٹ کی سرکاری ویب سائٹ پر جاری فہرست کے مطابق، یہ بنچ چیف جسٹس سوریہ کانت کی قیادت میں کام کرے گی اور سال 2018 کے اس تاریخی فیصلے کے خلاف دائر نظرثانی درخواستوں پر غور کرے گی۔ اس فیصلے میں کیرالہ کے سبریمالا مندر میں ہر عمر کی خواتین کے داخلہ کی اجازت دی گئی تھی، جس پر ملک بھر میں مختلف آراء سامنے آئی تھیں۔
