مہر خبررساں ایجنسی کی رپورٹ کے مطابق، چینی وزیر خارجہ وانگ ئی نے بیجنگ میں بین الاقوامی جوہری توانائی ایجنسی کے ڈائریکٹر جنرل رافیل گروسی سے ملاقات کے دوران مشرق وسطیٰ کی صورتحال پر تشویش کا اظہار کیا۔
انہوں نے کہا کہ خطے میں جاری تنازع تیزی سے پھیل رہا ہے اور اس کے اثرات بھی وسعت اختیار کر رہے ہیں۔
وانگ یی نے خبردار کیا کہ اگر اس تنازع کے دوران جوہری تنصیبات کو نشانہ بنایا گیا تو اس کے نہایت سنگین نتائج برآمد ہوں گے۔
انہوں نے مزید کہا کہ کشیدگی میں اضافے کو روکنا اور اس کے عالمی امن اور علاقائی استحکام پر اثرات سے بچنا انتہائی ضروری ہے۔
یہ بیان ایسے وقت میں سامنے آیا ہے جب چین کی وزارت دفاع نے بھی مشرق وسطیٰ کے تمام فریقین سے فوری طور پر جنگ بند کرنے کا مطالبہ کیا ہے۔
