یہ پیش رفت ایسے وقت سامنے آئی ہے جب سوئٹزرلینڈ کے شہر جنیوا میں امریکہ اور ایران کے درمیان جوہری پروگرام پر بالواسطہ مذاکرات کا دوسرا دور جاری ہے۔ امریکی حکام کا کہنا ہے کہ بات چیت میں کچھ پیش رفت ضرور ہوئی ہے، تاہم کئی اہم امور پر ابھی اتفاق رائے نہیں ہو سکا۔
امریکی نائب صدر جے ڈی وینس نے کہا ہے کہ ایران اب تک صدر ڈونالڈ ٹرمپ کی طے کردہ بنیادی شرائط کو قبول کرنے پر آمادہ نہیں ہوا۔ ان کے بقول صدر ٹرمپ نے چند سرخ لکیریں واضح کی ہیں جنہیں نظر انداز نہیں کیا جا سکتا۔
