تاجر کو انکاؤنٹر کا خوف دکھا کر 20 لاکھ روپئے وصولنے پر معطل 2 سب انسپکٹر فرار، پولیس کر رہی تلاش!

’آج تک‘ کی نیوز کے مطابق میرٹھ کے ایس ایس پی اویناش پانڈے نے معاملے کی تصدیق کرتے ہوئے بتایا کہ ملزم سب انسپکٹروں کی شناخت لوہیا نگر تھانے کے اہلکاروں کے طور پر ہوئی ہے۔ انہوں نے کہا کہ محکمہ پولیس میں کرپشن برداشت نہیں کی جائے گی۔ دونوں سب انسپکٹروں کے خلاف مقدمہ درج کر لیا گیا ہے اور تھانہ انچارج کے کردار کی بھی تفتیش کی جا رہی ہے۔ پولیس کی ٹیمیں مفرور سب انسپکٹروں کی گرفتاری کے لیے ممکنہ ٹھکانوں پر چھاپے مار رہی ہیں۔