نئی دہلی: اعلیٰ تعلیمی اداروں سے متعلق یونیورسٹی گرانٹس کمیشن کے نئے ضوابط کے خلاف مخالفت کا سلسلہ جاری ہے اور اب اس معاملے میں سپریم کورٹ میں ایک اور عرضی داخل کی گئی ہے۔ اس تازہ عرضی میں الزام عائد کیا گیا ہے کہ یو جی سی کے نئے ضوابط عام طبقے کے لیے امتیازی نوعیت کے ہیں اور یہ شہریوں کے بنیادی حقوق کی خلاف ورزی کرتے ہیں۔
یہ عرضی وکیل ونیت جندل کی جانب سے داخل کی گئی ہے، جن کا کہنا ہے کہ یو جی سی ریگولیشنز 2026 کا ضابطہ 3(سی) عام طبقے کے ساتھ غیر منصفانہ برتاؤ کو فروغ دیتا ہے۔ عرضی میں سپریم کورٹ سے گزارش کی گئی ہے کہ مذکورہ ضابطے کے نفاذ پر روک لگائی جائے اور 2026 کے ضوابط کے تحت بنائی گئی پوری نظامِ کار کو تمام ذاتوں اور طبقات کے افراد پر یکساں طور پر لاگو کیا جائے۔
