راجستھان کے سری گنگا نگر میں پنجاب اینڈ سندھ بینک کی دو شاخوں میں بڑے فراڈ کا پردہ فاش ہوا ہے، جس نے تفتیشی ایجنسیوں کو بھی چونکا دیا ہے۔ سائبر فراڈ اور منی لانڈرنگ سے حاصل ہونے والی رقم کو سفید کرنے کے لیے بینک افسران کی ملی بھگت سے 1,621 کروڑ روپئے کا بڑا کھیل کیا گیا جس پر اب سی بی آئی نے شکنجہ کس دیا ہے۔ فراڈ کے اس سنسنی خیز معاملے میں بڑی کارروائی کرتے ہوئے سی بی آئی نے دو سابق برانچ منیجروں سمیت 30 افراد اور کئی فرموں کے خلاف ایف آئی آر درج کی ہے۔ تفتیش میں یہ بات سامنے آئی کہ ملزمین نے سائبر کرائم اور منی لانڈرنگ سے حاصل ناجائز رقم کو سفید کرنے کے لیے میول اکاؤنٹس کا جال بچھایا۔
راجستھان میں پنجاب اینڈ سندھ بینک کی دو شاخوں میں کروڑوں روپے کا گھپلہ، برانچ منیجرسمیت 30 پر ایف آئی آر درج
