امریکی صدر ڈونالڈ ٹرمپ نے ہندوستانی مصنوعات پر 25 فیصد ٹیرف کے اعلان کے بعد اب پاکستان کے ساتھ تیل معاہدہ کا اعلان کیا ہے، ساتھ ہی انہوں نے جنوبی کوریا پر 15 فیصد ٹیرف عائد کرنے کا بھی اعلان کیا ہے۔
ٹرمپ نے پاکستان کے ساتھ ایک نئے تیل معاہدے کا اعلان کرتے ہوئے کہا کہ امریکہ اور پاکستان ایک مشترکہ منصوبے کے تحت پاکستان کے وسیع تیل ذخائر کو ترقی دیں گے۔ اس مقصد کے لیے ایک امریکی توانائی کمپنی کا انتخاب کیا جا رہا ہے، جو جلد ہی اس منصوبے پر عمل درآمد کرے گی۔
