پولیس کے مطابق یہ حادثہ سہ پہر ساڑھے تین بجے کے قریب پیش آیا، جب فوجا سنگھ سڑک پار کر رہے تھے۔ حادثے کے فوراً بعد گاڑی کا ڈرائیور موقع سے فرار ہو گیا۔ آدم پور تھانے کے ایس ایچ او ہر دیو پریت سنگھ نے بتایا کہ ابھی تک گاڑی اور ڈرائیور کی شناخت نہیں ہو سکی ہے، تاہم جائے حادثہ سے ملنے والے شواہد کی بنیاد پر تفتیش جاری ہے۔
فوجا سنگھ کے انتقال کی تصدیق مشہور مصنف خوشونت سنگھ نے بھی کی ہے، جنہوں نے ان کی زندگی پر مبنی کتاب The Turbaned Tornado لکھی تھی۔ انہوں نے سوشل میڈیا پر اپنے گہرے رنج و غم کا اظہار کرتے ہوئے لکھا، ’’میرا ’ٹربنڈ ٹورنیڈو‘ اب اس دنیا میں نہیں رہا۔‘‘
