حادثے کے بعد ایس ڈی آر ایف، این ڈی آر ایف اور مقامی پولیس نے موقع پر پہنچ کر تمام لاشوں کو برآمد کیا۔ امدادی ٹیموں کے مطابق ہیلی کاپٹر ٹکر کے بعد مکمل طور پر جل کر تباہ ہو گیا تھا۔ ایوی ایشن ماہر ڈاکٹر سبھاش گوئل کے مطابق، حادثے کی بنیادی وجہ علاقہ میں خراب موسم تھی۔ ابتدائی رپورٹوں میں پائلٹ یا ہیلی کاپٹر میں کسی تکنیکی خرابی کے شواہد نہیں ملے۔
اب جب کہ 22 جون کے بعد کے سفر کے لیے ہزاروں یاتریوں کو بُکنگ کا انتظار ہے، حکام کی جانب سے تاخیر نے تشویش میں مزید اضافہ کر دیا ہے۔ یاتری اور ٹور آپریٹرز دونوں نئی ہدایات اور بُکنگ کے اعلان کا انتظار کر رہے ہیں۔
