اسرائیل اور ایران کے درمیان شروع ہوئی حالیہ جنگ اب خوفناک شکل اختیار کرتی جا رہی ہے۔ اس کا اثر پوری دنیا پر پڑتا ہوا نظر آ رہا ہے۔ جہاں ایک طرف اسرائیل نے جمعہ کو ایران کے کئی جوہری پروگرام کو نشانہ بنا کر بڑے حملے کیے تھے وہیں ایران نے بھی سخت جواب دیتے ہوئے اسرائیل پر میزائلوں کی بارش کر دی، جس سے خطے میں حالات کافی کشیدہ ہو گئے ہیں۔
خطرے کے پیش نظر مشرق وسطیٰ کے کئی ملکوں نے اپنے ہوائی اڈے اور فضائی حدود بند کر دیئے ہیں۔ درجنوں ہوائی اڈوں سے اڑانے منسوخ کر دی گئی ہیں، جس سے لاکھوں لوگ متاثر ہوئے ہیں۔
