اس وقت ایران میں تقریباً 10,000 ہندوستانی شہری موجود ہیں، جن میں سے تقریباً 1,500 کا تعلق کشمیر سے بتایا جا رہا ہے۔ زیادہ تر طلبہ میڈیکل کی تعلیم حاصل کر رہے ہیں۔ ہندوستانی حکومت نے ان طلبہ کو محفوظ واپس لانے کے لیے کوششیں تیز کر دی ہیں۔
حکومتی ذرائع نے اس بات کی بھی تصدیق کی ہے کہ ایران سے نکالے گئے شہریوں کو آرمینیا کے بعد جارجیا کے راستے مغربی ایشیا کے کسی مقام سے ہندوستان واپس لانے کا منصوبہ تیار کیا جا رہا ہے۔
