راہل گاندھی نے اپنے پیغام میں لکھا، ’’آپ سب کو ہولی کے مقدس تہوار کی دلی مبارکباد۔ رنگوں کا یہ تہوار آپ کی زندگی میں نئی امید، نیا جوش اور بے شمار خوشیاں لے کر آئے۔‘‘
پرینکا گاندھی نے عوام کو مبارکباد دیتے ہوئے کہا، ’’رنگ، جوش، ولولہ، خوشی، بھائی چارہ، برابری اور میل جول کے عظیم تہوار ہولی کی دلی مبارکباد۔ ہولی کھیلتے وقت ہر کسی کو محبت سے گلے لگائیے اور اپنے خاندان، سماج اور تمام اہل وطن کے ساتھ خوشیاں بانٹیے۔ آپ سب کے لیے ہولی مبارک ہو۔‘‘
بی جے پی کے قومی صدر اور مرکزی وزیر صحت جے پی نڈا نے اہل وطن کو مبارکباد پیش کرتے ہوئے لکھا، ’’تمام اہل وطن کو ہولی کی دلی مبارکباد اور نیک خواہشات۔ میں دعا کرتا ہوں کہ یہ رنگوں کا تہوار آپ کی زندگی میں جوش، خوشی اور ولولہ بھر دے۔ سبھی خوشحال، ترقی یافتہ اور خوش نصیب ہوں۔‘‘
