مہر خبررساں ایجنسی کی رپورٹ کے مطابق، ایرانی وزیر خارجہ سید عباس عراقچی نے کہا ہے کہ انہیں تاحال ایسا کوئی خط موصول نہیں ہوا جس کا دعوی امریکی صدر ڈونلڈ ٹرمپ نے کیا ہے۔
عراقچی نے یہ بیان رہبر معظم انقلاب اور حکومتی عہدیداروں کی ملاقات کے موقع پر صحافیوں کے سوال کے جواب میں دیا۔
صدر ٹرمپ کی جانب سے مبینہ طور پر خط بھیجنے کے بارے میں ایک سوال کا جواب دیتے ہوئے انہوں نے کہا کہ ہم نے بھی یہی سنا ہے، لیکن ابھی تک ہمیں کچھ موصول نہیں ہوا۔
واضح رہے کہ گذشتہ دنوں ایک انٹرویو میں ڈونلڈ ٹرمپ نے دعوی کیا تھا کہ انہوں نے ایران کے سپریم لیڈر آیت اللہ خامنہ ای کو ایک خط ارسال کیا ہے جس میں معاہدے اور مذاکرات سے متعلق بات کی گئی ہے۔
