حیدرآباد: میونسپل ایڈمنسٹریشن اینڈ اربن ڈیولپمنٹ (ایم اے اینڈ یو ڈی) کے پرنسپل سکریٹری دانا کشور نے میونسپل کمشنروں کو ہدایت دی ہے کہ وہ لے آؤٹ ریگولرائزیشن اسکیم (ایل آر ایس) کی درخواستوں کو حل کرنے اور نئے سیلف ہیلپ گروپس (ایس ایچ جی) کے قیام کو ترجیح دیں۔
مری چنا ریڈی ہیومن ریسورس ڈیولپمنٹ انسٹی ٹیوٹ میں 142 اربن لوکل باڈیز (ULBs) کے کمشنروں کے ساتھ منعقدہ اجلاس سے خطاب کرتے ہوئے، دانا کشور نے آمدنی میں اضافہ کرنے اور ٹیکس وصولی کے اہداف کو حاصل کرنے کی اہمیت پر زور دیا۔
انہوں نے عہدیداروں کو ہدایت دی کہ وہ ایل آر ایس کے عمل کو تیز کریں اور واضح زمینوں پر ترتیب کو باقاعدہ بنانے کو ترجیح دیں۔ انہوں نے ایل آر یس کے عمل کو مکمل کرنے کے لئیے مارچ کی آخری تاریخ مقرر کی گئی ہے اور درخواست دہندگان کو عمارت کے اجازت نامہ حاصل کرنے کی ترغیب دی۔
انہوں نے زور دیا کہ ایل آر ایس کے عمل کو شفاف طریقہ سے مکمل کیا جانا چاہیے، غلطیوں کی کوئی گنجائش نہیں ہونی چاہئے۔ حکومت کے ایجنڈے کو اجاگر کرتے ہوئے، دانا کشور نے اس بات کا اعادہ کیا کہ ہر اہل عورت کو سلف ہلپ گروپ کا حصہ ہونا چاہیے۔
انہوں نے کہا مپما کے تحت، سلف ہلپ گروپس کو پہلے ہی اس مالی سال میں 2,500 کروڑ روپے کے بینک قرضوں سے منسلک کیا جا چکا ہے، جس کا ہدف بڑھا کر 5,000 کروڑ روپے کر دیا گیا ہے۔ انہوں نے میونسپل افسران کو ہدایت دی کہ وہ سلف ہلپ گروپس کو بقیہ 2,500 کروڑ روپے کی تقسیم کا منصوبہ بنائیں۔
ہمیں فالو کریں
