مہر خبررساں ایجنسی نے المیادین کے حوالے سے کہا ہے کہ یمنی فوج کی جانب سے تل ابیب اور دوسرے صہیونی شہروں پر حملوں میں شدت کے بعد صہیونیوں میں خوف وہراس پھیل گیا ہے۔
عبرانی ذرائع ابلاغ کے مطابق مقبوضہ علاقوں میں خطرے کے سائرن بجنے لگے ہیں۔ محفوظ پناہ گاہوں کی طرف فرار کے دوران کم از کم 9 صیہونی زخمی ہوئے ہیں۔
دراین اثناء اسرائیلی چینل 12 نے رپورٹ دی ہے کہ ایک طیارہ جو تل ابیب میں لینڈ کرنے والا تھا، یمن کے میزائل حملے کے وقت اپنا راستہ بدل کر شمالی علاقے کی طرف روانہ ہو گیا ہے۔
یمنی مسلح افواج کے تازہ میزائل حملے کے ردعمل میں عبرانی زبان کے میڈیا نے اعتراف کیا کہ یمن لاکھوں صیہونیوں کو ہر رات پناہ گاہوں کی طرف فرار پر مجبور کرنے کی صلاحیت رکھتا ہے۔
رپورٹ میں مزید کہا گیا ہے کہ یمن کے پاس بیلسٹک اور کروز میزائلوں کے ساتھ ساتھ ڈرونز کے اہم ذخائر موجود ہیں، جو 2000 کلومیٹر دور کے اہداف کو نشانہ بنا سکتے ہیں۔
