امریکہ کے نومنتخب صدر ڈونالڈ ٹرمپ اپنی کامیابی سے پُرجوش ہیں۔ 20 جنوری کو جب وہ صدر عہدے کا حلف لیں گے تو کئی حیران کرنے والے فیصلے کر سکتے ہیں۔ اطلاع ہے کہ وہ عالمی صحت تنظیم (ڈبلیو ایچ او) کے سلسلے میں بھی کوئی بڑا فیصلہ کرنے والے ہیں۔
رائٹرس کی رپورٹ کے مطابق ٹرمپ اپنی دوسری مدت کار کے پہلے دن عالمی صحت تنظیم (ڈبلیو ایچ او) سے الگ ہونے کا اعلان کر سکتے ہیں۔ اس معاملے میں ان کی ٹرانزیشن ٹیم تیاری کر رہی ہے۔ واشنگٹن میں جارج ٹاؤن یونیورسٹی کے گلوبل ہیلتھ پروفیسر لارینس گاسٹن کا کہنا ہے کہ ٹرمپ ڈبلیو ایچ او سے ہٹنے کا منصوبہ بنا رہے ہیں۔ وہ شاید صدر کے طور پر اپنے پہلے ہی دن اس پر اپنی مہر لگا سکتے ہیں۔
