[]
حیدرآباد: آندھراپردیش کے مغربی گوداوری کے پاپی کونڈالو کے کنڈوکورو جنگلاتی علاقہ میں ایک درخت سے پانی کا چشمہ بہہ رہا ہے۔ اب آپ سوچ رہے ہوں گے کہ درختوں سے پانی کیسے نکل رہا ہے، لیکن یہ سچ ہے۔ جنگل میں موجود نلا مادی کے درخت سے پانی کا چشمہ بہہ رہا ہے۔ محکمہ جنگلات کے عہدیدار بھی درخت سے پانی نکلتا دیکھ کر حیران رہ گئے۔
تفصیلات کے مطابق محکمہ جنگلات کے عہدیداروں کو اس بات کی اطلاع ملی کہ گوداوری ضلع کے پاپی کونڈالو کے کنٹوکورو جنگلاتی علاقہ میں نلا مادی کے درخت سے پانی نکل رہا ہے۔ اس معاملہ کو اعلیٰ عہدیداروں تک پہنچادیا گیا ۔
اعلیٰ عہدیداروں کی موجودگی میں نلا مادی کے درخت کو کلہاڑی سے سوراخ کیا گیا دیکھتے ہی دیکھتے درخت سے پانی بہنا شروع ہوگیا۔ عہدیداروں نے اس منظر کو اپنے کیمروں میں قید کرلیا۔ عہدیداروں نے یہ بھی انکشاف کیا کہ اس نالہ مادی کے درخت سے تقریباً 20 لیٹر پانی نکلتا ہے۔ فی الحال یہ ویڈیو سوشل میڈیا پر کافی وائرل ہورہی ہے۔
ہمیں فالو کریں
