اتر پردیش میں ’بھارت جوڑو نیائے یاترا‘ کی آمد سے قبل یوپی کانگریس کی بڑی تیاری، عوام میں بھی جوش

’بھارت جوڑو نیائے یاترا‘ کے پیش نظر یوپی کانگریس کمیٹی نے جو کوآرڈنیشن کمیٹی تیار کی ہے، اس کے رکن اور کانگریس لیڈر عمران پرتاپ گڑھ کا کہنا ہے کہ اس میں اب کوئی شبہ نہیں کہ راہل گاندھی جی کی مقبولیت عروج پر ہے۔ پورے ملک میں ایک پیغام ہے کہ وہ مودی حکومت کی غلط پالیسیوں کے خلاف پورے دم سے لڑ رہے ہیں۔ صحیح معنوں میں وہ آج کے دور کے ’جَن نایک‘ (عوامی ہیرو) ہیں۔ ظاہر ہے سبھی اضلاع کی عوام چاہتی ہے کہ وہ ان کے درمیان پہنچیں۔ ’بھارت جوڑو نیائے یاترا‘ یوپی میں انڈیا اتحاد کو مضبوط کرنے کا کام کرے گی۔ راہل گاندھی اب عوام کی آواز بن چکے ہیں اور 7 روزہ اتر پردیش کے سفر سے بھی ملک بھر میں یہ پیغام جانے والا ہے۔