[]
نئی دہلی: ریاست بہار میں مجلس اتحاد المسلمین (اے آئی ایم آئی ایم) کے لیڈر عبدالسلام کو فائرنگ کرکے ہلاک کردیا گیا۔ یہ واقعہ پیر کو بہار کے گوپال گنج ضلع میں پیش آیا۔ عبدالسلام جو 2022 میں گوپال گنج ضمنی انتخابات میں پارٹی کے امیدوار تھے انھیں فائرنگ میں زخمی ہونے کے بعد علاج کیلئے ہاسپٹل لے جایا گیا جہاں ان کا انتقال ہوگیا۔
یہ حالیہ دنوں میں اس طرح کا دوسرا واقعہ ہے جس میں بہار میں اے آئی ایم آئی ایم لیڈر کو گولی مار کر ہلاک کیا گیا۔صدرمجلس بیرسٹر اسد الدین اویسی نے ان کے انتقال پرگہرے رنج کا اظہارکیا انھوں نے اپنے ٹویٹرپیغام میں کہا کہ گوپال گنج ضمنی انتخاب میں ریاستی سکریٹری عبدالسلام اسلم مکھیا کو گولی مار کر ہلاک کر دیا گیا ہے۔
اللہ سے دعا ہے کہ ان کے گھر والوں کو صبر جمیل عطا فرمائے۔ پچھلے سال دسمبر میں ہمارے ضلع سیوان کے صدر عارف جمال کو گولی مار کر ہلاک کر دیا گیا تھا۔ صدرمجلس نے چیف منسٹربہار پر تنقید کرتے ہوئے کہا کہ اپنی کرسی بچاؤ، کھیلوں کے مقابلہ سے وقت ملے تو کچھ کام بھی کرو؟ صرف ہمارے لیڈر ہی کیوں نشانے پر ہیں؟ کیا ان کے اہل خانہ کو انصاف ملے گا؟
AIMIM बिहार (गोपालगंज) के पूर्व प्रत्याशी अब्दुल सलाम असलम(मुखिया)को गोली मारकर हत्या कर दी गई,शहीद के लिए दुआएं मगफिरत करते है आरोपी को जल्द से जल्द पकड़ कर @bihar_police सख्त करवाई करें उस को फांसी के फंदे पर लटकाया जाए @NitishKumar जी से मांग करते है 😭 pic.twitter.com/9IrktGG6re
— Maulana Taufique Raza (@MTaufiqRaza) February 12, 2024
