[]
حیدرآباد: چیف منسٹر ریونت ریڈی نے کہا کہ وہ دن کے 24 کے منجملہ 18 گھنٹے کام کر رہے ہیں۔ ریاست کے طول وعرض میں برسر خدمات ملازمین کا چھوٹا سے چھوٹا مسئلہ ان کی توجہ میں ہے۔
انہوں نے کہا کہ ان کی کابینہ ہمیشہ عوام کی خدمات اور مسائل حل کرنے کیلئے دستیاب ہے۔ ریونت ریڈی نے کہا کہ وہ ہمیشہ ان کی توجہ میں آنے والے مسائل کو حل کرنے کے لیے سخت محنت کریں گے۔
انہوں نے کہا کہ پچھلی حکومت نے ڈکٹیٹر کی طرح حکومت کی۔ انہوں نے کہا کہ تلنگانہ میں کانگریس حکومت کی تشکیل کے بعد2,75,891 کروڑ روپئے کا حقیقی بجٹ پیش کیا گیا۔
بجٹ حقائق کی بنیاد پر تیار کیا گیا ہے۔ انہوں نے کہا کہ بجٹ حقیقی اعداد و شمار کے ساتھ پیش کیا گیا ہے۔ جس کی وجہ سے ریاست کے عوام کو اصل بجٹ سمجھنے کا موقع ملا ہے۔
ہمیں فالو کریں
