[]
اس درمیان خبریں سامنے آ رہی ہیں کہ جھارکھنڈ کے سابق وزیر اعلیٰ ہیمنت سورین کو اراضی گھوٹالہ معاملہ میں ای ڈی افسران نے گرفتار کر لیا ہے۔ ای ڈی افسران اس معاملے میں ان سے پوچھ تاچھ کر رہے تھے۔ آٹھ گھنٹے کی پوچھ تاچھ کے بعد انھیں گرفتار کر لیا گیا۔ ای ڈی بدھ کے روز منی لانڈرنگ معاملے میں پوچھ تاچھ کے لیے ہیمنت سورین کی رہائش پر پہنچی اور ان سے پوچھ کا سلسلہ شروع کیا۔ شام کو ہیمنت سورین راج بھون پہنچے اور وزیر اعلیٰ عہدہ سے استعفیٰ دے دیا۔ بعد ازاں ای ڈی نے انھیں گرفتار کر لیا۔ میڈیا رپورٹس کے مطابق ای ڈی کل ہیمنت سورین کو عدالت میں پیش کرے گی۔
