[]
رفح(غزہ پٹی): اسرائیل اور حماس کی زائد از 3 ماہ سے جاری جنگ میں غزہ میں جاں بحق فلسطینیوں کی تعداد 25 ہزار سے تجاوز کرگئی۔
غزہ کی وزارت صحت نے اتوار کے دن یہ بات بتائی۔ گزشتہ 24 گھنٹوں میں غزہ کے دواخانوں میں کم از کم 178 نعشیں اور تقریباً 300 زخمی لائے گئے۔
7 اکتوبر کو اسرائیل پر حماس کے اچانک حملہ سے جنگ شروع ہوئی تھی۔
فلسطینی لڑاکوں نے کوئی 1200 اسرائیلی ہلاک کردئیے اور تقریباً 250 کو یرغمال بنالیا۔ اسرائیل نے 3 ہفتے فضائی حملے کئے اور اس کے بعد اس نے زمینی جنگ شروع کی۔ شمالی غزہ میں زمینی لڑائی کے بعد اب جنوبی شہر خان یونس میں جنگ جاری ہے۔
ہمیں فالو کریں
