[]
مہر خبررساں ایجنسی نے المنار ٹی وی چینل کے حوالے سے رپورٹ دی ہے کہ لبنان کی اسلامی مزاحمتی تحریک حزب اللہ نے غزہ کے باشندوں کی حمایت میں صیہونی فوج کے ٹھکانوں پر اپنے حملوں کا سلسلہ جاری رکھا ہے۔
حزب اللہ کے دو الگ الگ بیانات میں کہا گیا ہے کہ : غزہ کی پٹی میں ثابت قدم فلسطینی قوم اور اس کی بے خوف مزاحمت کی حمایت میں حزب اللہ نے صیہونی فوج کے مرکزی ٹھکانے المطلہ اور البغدادی کو صبح کے وقت میزائلوں سے براہ راست نشانہ بنایا۔
ادھر عبرانی ذرائع نے بتایا ہے کہ مقبوضہ فلسطین کے شمال میں صیہونی فوج کی ادمیت بیس کو حزب اللہ نے اینٹی آرمر میزائل سے نشانہ بنایا ہے۔
رپورٹ کے مطابق حزب اللہ کے حملوں کے بعد مقبوضہ فلسطین کے شمال میں قائم صہیونی ناجائز بستیوں یفتاح، دیشون، المالکیہ، راموت اور نفتالی میں جنگی خطرے کے خوف سے سائرن بجایا گیا۔
دوسری جانب اسرائیلی طیاروں نے بھی جنوبی لبنان کے قصبے حنین پر بمباری کی ہے۔
