ایرانی بحریہ میں نیا دیسی میزائل سسٹم، ہیلی کاپٹر شامل

ایرانی بحریہ نے اتوار کو جنوب مشرقی صوبے سیستان و بلوچستان میں منعقدہ ایک تقریب میں نئے ملکی ہتھیاروں کی سپلائی حاصل کی جس میں کروز میزائل سسٹم اور ہیلی کاپٹر شامل ہیں۔ یہ اطلاع ژنہوا نے پیر کو سرکاری خبر رساں ایجنسی آئی آر این اےکے حوالے سے دی۔

اطلاعات کے مطابق کونارک کاؤنٹی میں منعقدہ تقریب میں آرمی کمانڈر عبدالرحیم موسوی، نیوی کمانڈر شہرام ایرانی اور دیگر اعلیٰ فوجی حکام نے شرکت کی۔آئی آر این اےکے مطابق، ہتھیاروں اور سازوسامان میں طلحہ اور ناصر کروز میزائل سسٹم، گھریلو الیکٹرانک جنگی نظام سے لیس جاسوسی مشن کے اہل ہیلی کاپٹر اور کیریئر سے لانچ کیے گئے کامیکاز ڈرون شامل ہیں۔

مسٹرشہرام  ایرانی نے تقریب میں کہا کہ طلحہ نظام کی آپریشنل رینج 1000 کلومیٹر ہے اور یہ پرواز میں سمت تبدیل کر سکتا ہے، جب کہ ناصر، جس کی رینج 100 کلومیٹر ہے، بہت زیادہ تباہ کن طاقت رکھتا ہے اور اسے مختلف قسم کے راکٹ لانچ کرنے والے جہازوں پر نصب کیا جا سکتا ہے۔