[]
بنگلورو: بنگلورو کے ہولیماوو پولیس اسٹیشن کی حدود میں بیوی کے ہاتھوں شوہر کے سینے میں خنجر گھونپنے کا واقعہ پیش آیا۔
مقتول کی شناخت27سالہ اُمیش دامی کی حیثیت سے کی گئی جو خانگی کالج کا چوکیدار تھا۔ ملزمہ بیوی منیشا دامی کو پولیس نے گرفتار کرلیا۔
پولیس کے مطابق بیوی اسی کالج میں جہاں شوہر کام کرتا تھا، آیا تھی۔ اُمیش اپنے دوستوں کے ساتھ پارٹی کے لئے گیا تھا، نصف شب کو اس کی واپسی پر اس نے اپنی بیوی کو فون پر کسی سے بات کرتے دیکھا۔
مقتول نے ناجائز تعلقات کے شبہ میں اس سے جھگڑا کیا۔
جھگڑے کے دوران طیش میں آکر بیوی نے اس کے سینے میں خنجر کھونپ دیا۔ حد سے زیادہ خون بہہ جانے سے مقتول کی برسرموقع موت ہوگئی۔ ہولیمایو پولیس معاملے کی تحقیقات کررہی ہے۔
ہمیں فالو کریں
