ممتا بنرجی نے ’ایکس‘ بائیو سے ہٹایا ’بنگال سی ایم‘، ابھیشیک بنرجی کا گنتی مراکز کے سی سی ٹی وی کی جانچ کا مطالبہ

ترنمول کانگریس لیڈر نے انتخابات کے بعد تشدد کے واقعات پر بھی تشویش کا اظہار کیا۔ انہوں نے الزام لگایا کہ پارٹی کے دفاتر پر حملے کیے جا رہے ہیں، کارکنوں کو ڈرایا جا رہا ہے اور بہت سے حامیوں کو گھر چھوڑنے پر مجبور کیا گیا ہے۔ انہوں نے کہا کہ جمہوریت میں کسی سیاسی کارکن کو اپنی حفاظت اور سیاسی نظریے میں سے کسی ایک کا انتخاب کرنے پر مجبور نہیں کیا جانا چاہیے۔ ابھیشیک بنرجی نے کہا کہ وہ اور ان کی پارٹی جمہوری اقدار اور آئین کے تحفظ کے لیے لڑتے رہیں گے۔ انہوں نے کہا کہ ترنمول کانگریس دہلی اور مغربی بنگال دونوں میں ایک مضبوط اور بیباک اپوزیشن کا کردار ادا کرے گی۔ انہوں نے کہا کہ ممتا بنرجی کی قیادت میں پارٹی بغیر کسی خوف اور سمجھوتہ کے جمہوریت، آئینی اقدار اور لوگوں کے حقوق کے لیے لڑتی رہے گی۔