[]
حیدرآباد: اے سی بی کورٹ نے آندھراپردیش کے سابق وزیراعلی و تلگودیشم پارٹی کے سربراہ چندرابابو کے ریمانڈ میں توسیع کردی ہے، جنہیں وجئے واڑہ اسکل ڈیولپمنٹ کیس میں گرفتار کیا گیا تھا۔
ان کاریمانڈ آج ختم ہو اجس کے بعد جیل حکام نے چندرا بابو کو ورچول طریقہ کار کے ذریعہ عدالت میں پیش کیا۔ بعد ازاں عدالت نے ریمانڈ میں یکم نومبر تک توسیع کردی۔
چندرا بابو نے اس موقع پر جیل میں ان کی سیکوریٹی پر شکوک و شبہات کا عدالت سے اظہار کیا جس پر جج نے مشورہ دیا کہ وہ تحریری طورپر اس بات سے عدالت کو واقف کروائیں۔
ساتھ ہی جج نے جیل حکام کو حکم دیا کہ وہ چندرا بابو کا لکھا ہوا خط ان کے حوالے کریں۔ اس موقع پر جج نے چندرا بابو کی صحت کے بارے میں دریافت کیا اورانہیں میڈیکل رپورٹس فراہم کرنے کا حکم دیا ۔
